برج خلیفہ قومی پرچم کے رنگ میں رنگ گیا
پاکستان کے 74ویں جشن آزادی پر دبئی کے معروف بلند ترین ٹاور برج خلیفہ کو پاکستان کے رنگ میں رنگ دیا گیا۔
متحدہ عرب امارات کے دارالحکومت ابوظبی میں قائم پاکستانی سفارتخانے کے آفیشل ٹویٹر اکاؤنٹ سے برج خلیفہ کو پاکستانی پرچم میں رنگنے کی ویڈیو شیئر کی گئی ہے۔
برج خلیفہ کو پاکستانی پرچم میں رنگنے کے موقع پر سیکڑوں پاکستانی موجود تھے جنہوں نے آزادی کا جشن منایا۔
دنیا کے بلند ترین ٹاور کو مخصوص ایل ای ڈی لائٹس کی مدد سے پاکستانی پرچم کی شکل دی گئی۔
واضح رہے کہ اس سے قبل متحدہ عرب امارات کی حکومت نے یوم پاکستان کے موقع پر پاکستان سے یکجہتی کے اظہار کیلئے خصوصی انتظامات کرتے ہوئے دبئی کے برج خلیفہ کو مخصوص ایل ای ڈی لائٹس کی مدد سے پاکستانی پرچم کی شکل دی تھی۔
Main Author.
